Уйғур аптоном районида қош тилда оқуйдиған миллий оқуғучилар 6 йилда 50 һәссә көпәйгән


2006.08.18
Share on WhatsApp
Share on WhatsApp

Хитай мәтбуатлириниң ашкарилишичә, уйғур аптоном районида қош тиллиқ синипта оқуйдиған миллий оқуғучиларниң сани йеқинқи 6 йил ичидә 500 һәссә көпәйгән.

Җуңго даирилири уйғурларға хитай тилида дәрс өтүдиған мәктәп вә синипларни қош тиллиқ маарип, дәп атимақта. Бу әһвал уйғур аптоном райониниң җәнубидики вилайәтләрдә техиму еғир болуп, қәшқәр шәһәрлик - 10 башланғуч мәктәпниң бир қош тиллиқ синипидила уйғур оқуғучилар сани 100 дин ашқан.

Уйғур аптоном райони маарип назарити партийә гурупписиниң секритари җав диҗуң " буни биз тәсәввур қилип бақмиған әһвал" дәйду. Уйғур аптоном райони буйичә хитай тилида дәрс өтүлидиған тунҗи тәҗирибә синипи 1995 - йили үрүмчи шәһәрлик 14 - орта мәктәптә йолға қоюлған.

Әйни чағда үрүмчи шәһәрлик маарип комитети партийә гурупписиниң секритари ришат әнәйтулла 14 - ортидики тәҗирибә синипни " мениң иҗадийитим" дәп тәкитлигән иди. Кейинки йилларда аптоном район буйичә әң надир миллий мәктәпләрниң бири болған 14 - орта хитайлар оқуйдиған - 6 ортиға қошуветилди. Үрүмчи шәһәрлик алий орта мәктәпниң муавин мудири җаң зувей," қош тиллиқ тәҗирибә синиплар аз санлиқ милләт оқуғучилириниң еһтияҗини қандуралмайватиду," дәп тәкитлигән.

Лекин бу сиясәтни тәнқид қилғучилар, миллий маарипиниң пүтүнләй йимирилидиғанлиқини вә узунға бармиған келәчәктә уйғур миллий мәдәнийити еғир зәрбигә учрайдиғанлиқини агаһландурмақта. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.