Uyghur aptonom rayonida qosh tilda oquydighan milliy oqughuchilar 6 yilda 50 hesse köpeygen


2006.08.18
Share on WhatsApp
Share on WhatsApp

Xitay metbu'atlirining ashkarilishiche, Uyghur aptonom rayonida qosh tilliq sinipta oquydighan milliy oqughuchilarning sani yéqinqi 6 yil ichide 500 hesse köpeygen.

Junggo da'iriliri Uyghurlargha xitay tilida ders ötüdighan mektep we siniplarni qosh tilliq ma'arip, dep atimaqta. Bu ehwal Uyghur aptonom rayonining jenubidiki wilayetlerde téximu éghir bolup, qeshqer sheherlik - 10 bashlan'ghuch mektepning bir qosh tilliq sinipidila Uyghur oqughuchilar sani 100 din ashqan.

Uyghur aptonom rayoni ma'arip nazariti partiye guruppisining sékritari jaw dijung " buni biz tesewwur qilip baqmighan ehwal" deydu. Uyghur aptonom rayoni buyiche xitay tilida ders ötülidighan tunji tejiribe sinipi 1995 - yili ürümchi sheherlik 14 - orta mektepte yolgha qoyulghan.

Eyni chaghda ürümchi sheherlik ma'arip komitéti partiye guruppisining sékritari rishat eneytulla 14 - ortidiki tejiribe sinipni " méning ijadiyitim" dep tekitligen idi. Kéyinki yillarda aptonom rayon buyiche eng nadir milliy mekteplerning biri bolghan 14 - orta xitaylar oquydighan - 6 ortigha qoshuwétildi. Ürümchi sheherlik aliy orta mektepning mu'awin mudiri jang zuwéy," qosh tilliq tejiribe siniplar az sanliq millet oqughuchilirining éhtiyajini qanduralmaywatidu," dep tekitligen.

Lékin bu siyasetni tenqid qilghuchilar, milliy ma'aripining pütünley yimirilidighanliqini we uzun'gha barmighan kélechekte Uyghur milliy medeniyiti éghir zerbige uchraydighanliqini agahlandurmaqta. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet