Нур бәкри: қош тиллиқ оқутушни пүтүн күч билән илгири сүрүш керәк


2006-10-09
Share

Уйғур аптоном райони парткоминиң муавин секритари нур бәкри, 7 вә 8 - өктәбир күнлири мәкит, йәркәнт наһийилиридә тәкшүрүп, уйғурларға хитай тилини пүтүн күч билән омумлаштуруш керәк, дәп көрсәтти. Бу сиясәтни қош тиллиқ оқутуш, дәп атиған нур бәкри," қош тиллиқ оқутуш"ни аз санлиқ милләтләр сапасини юқири көтүридиған муһим тәдбир сүпитидә чиң тутуш керәк, дәйду.

Нур бәкри уйғур аптоном районидики юқири дәриҗилик миллий кадирлар ичидә хитай тилини мәҗбурий омумлаштурушниң әң радикал тәшәббускари, дәп қарилидиған үнсүр.

Нур бәкри бурун бир йиғинда, туңганлар хитайчә сөзлисиму, бир милләт болуп туриватмамду, дәп тәкитлигән. Бу қетим нур бәкригә аптоном районниң маарип вә малийә назаритидики әмәлдарлар һәмра болуп барди.

Көзәткүчиләр, бу хитай даирилириниң бу наһийиләрдә хитай тили оқутушини күчәйтидиғанлиқидин дирәк бериду, дәп қаримақта. Охшимиған қараштики уйғурлар хитай тили өгинишни чәткә қақмисиму,лекин уйғур тилиниң сиқип чиқирилишини әйиблимәктә.

Чәтәлдики уйғур тәшкилатлири бу сиясәтни ассимилиятсийә пиланиниң бир қисими, дәп әйиблигән. Уйғур аптоном райони парткоминиң секритари ваң лечүән, бу сиясәт " биз 100 йилдин бери күтүватқан истратегийә " дигән иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт