Nur bekri: qosh tilliq oqutushni pütün küch bilen ilgiri sürüsh kérek

Uyghur aptonom rayoni partkomining mu'awin sékritari nur bekri, 7 we 8 - öktebir künliri mekit, yerkent nahiyiliride tekshürüp, Uyghurlargha xitay tilini pütün küch bilen omumlashturush kérek, dep körsetti. Bu siyasetni qosh tilliq oqutush, dep atighan nur bekri," qosh tilliq oqutush"ni az sanliq milletler sapasini yuqiri kötüridighan muhim tedbir süpitide ching tutush kérek, deydu.

Nur bekri Uyghur aptonom rayonidiki yuqiri derijilik milliy kadirlar ichide xitay tilini mejburiy omumlashturushning eng radikal teshebbuskari, dep qarilidighan ünsür.

Nur bekri burun bir yighinda, tungganlar xitayche sözlisimu, bir millet bolup turiwatmamdu, dep tekitligen. Bu qétim nur bekrige aptonom rayonning ma'arip we maliye nazaritidiki emeldarlar hemra bolup bardi.

Közetküchiler, bu xitay da'irilirining bu nahiyilerde xitay tili oqutushini kücheytidighanliqidin direk béridu, dep qarimaqta. Oxshimighan qarashtiki Uyghurlar xitay tili öginishni chetke qaqmisimu,lékin Uyghur tilining siqip chiqirilishini eyiblimekte.

Chet'eldiki Uyghur teshkilatliri bu siyasetni assimiliyatsiye pilanining bir qisimi, dep eyibligen. Uyghur aptonom rayoni partkomining sékritari wang léchüen, bu siyaset " biz 100 yildin béri kütüwatqan istratégiye " digen idi. (Erkin)