У а р да хитай тили өткилигә қатнишидиған уйғур оқутқучиларниң яш чәклимиси қисқартилди


2006-10-27
Share

Уйғур аптоном райони маарип назарити хитай тили өткилигә қатнишидиған уйғур оқутқучиларниң яш чәклимисини қисқартип, 2007 - йили баһардин башлап 35 яшдин юқири уйғур оқутқучиларниң "қош тиллиқ маарип тәрбийиләш программиси" дин бәһриман болалмайдиғанлиқини қарар қилған. Шуниң билән биргә райондики 45 миң уйғур вә башқа аз санлиқ милләт оқутқучилирини 5 йилға бөлүп тәрбийиләш пиланидин ваз кечип, һәр йили 2516 нәпәр оқутқучи тәрбийиләшкә өзгәртилди.

Илгири йеза - базарлардики оқутқучиларниң аталмиш "қош тиллиқ" маарип тәрбийиси бир йил иди. Буниңдин кейин икки йилға өзгәртилгән. Маарип назаритиниң әскәртишичә, бу хил өзгәртишкә "қош тиллиқ оқутуш" тәрбийиси алған уйғур оқутқучиларниң хитай тилида дәрс өтүш сәвийиси тәләптин йирақ болғанлиқи сәвәбчи икән.

Маарип даирилири буниңдин кейин асас қатламда "қош тиллиқ" оқутушни "кичикидин тартип чиң тутуш" принсипи йолға қоюлудиғанлиқини билдүрмәктә. Маарип назаритиниң бу сияситини тәнқид қилғучилар, бу дегәнлик хитайчә өткәлдин өтәлмигән йеши 35 тин юқири уйғур оқутқучиларни маарип сепидин сиқип чиқириш дигәнликтур, дәп әйиблимәктә.

Хитай даирилирниң әскәртишичә, бу сиясәтниң мәқсити миллий оқутқучилар қошунини хитайлаштуруш қәдимини тезлитишни мәқсәт қилған. Лекин хитай даирилири хитай тили уйғурларниң сапасини юқири көтүрүшниң бирдин бир йоли, дәп қаримақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт