Nur bekri: qosh tilliq ma'aripni qilche ikkilenmestin ilgiri sürimiz


2006-11-16
Share

Xitay hökümitining Uyghur élige teyinligen emeldari nur bekri, xoten rayonida qosh tilliq ma'aripni, qilche ikkilenmestin ilgiri sürüsh bilen birge radi'o - téléwiziye xizmitini alahide kücheytishni otturigha qoyghan.

Xitay xewer agéntliqliri peyshenbe küni, nur bekrining xoten rayonidiki mekteplerde tekshürüsh élip barghanda , Uyghur oqughuchilardin xitay tili öginish tirishchanliqini alahide ashurushni telep qilghanliqini bildürdi.

Nur bekri xotende, ma'arip orunlirining pütün küchini serp qilip, qosh tilliq oqutquchi kamchilliqini toldurush, qilche ikkilenmestin qosh til öginish , tarixqa mes'ul bolush, xelqqe mes'ul bolush, kélechekke mes'ul bolush pozitsiyisi asasida etrapliq halda qosh til ma'aripini tereqqi qildurush kéreklikini otturigha qoyghan.

Nöwette Uyghur élide élip bériliwatqan ma'aripni xitaychilashturush siyasiti, chet'el kishilik hoquq teshkilatliri we Uyghur kishilik hoquq teshkilatliri teripidin qattiq tenqid qilinmaqta, chünki mezkür teshkilatlarning qarishiche, bir millet ma'aripining ornigha bashqa yat milletning ma'aripini desstish, milletni asmiliyatsiye qilip yoqitishning muhim qedimi hésablinidiken.

Dunya Uyghur qurultiyi bayanatchisi dilshat réshitning éytishiche, xitay da'iriliri qosh til ma'aripini yolgha qoyghandin buyan, Uyghur oqughuchilarning aliy mektepke kirish nisbiti alahide töwenlepla qalmastin, Uyghurlarning ishsizliq nisbitimu kündin - kün'ge köpeygen. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet