Uyghur élide xitayche ma'aripni kéngeytish üchün "xitayche sözleydighan boghunlar" ni tallap teshwiq qilmaqta

Xitay da'iriliri bilen Uyghur éli ma'arip tarmaqliri, Uyghur élide az sanliq milletlerge qarita xitayche ma'aripni omumlashturushni tézlitish meqsitide, bu yil 15 - séntebirdin bashlap xitayche sözleydighan boghunliri tallash arqiliq teshwiqat élip bérishqa bashlighan idi.

Uyghur élining ma'arip xewerliridin melum bolushiche, "xitayche sözleydighan boghunlar" namida xitay tilida yaxshi sözleydighan az sanliq millet balilirini tallash 12 - ayning 9 - küni axirlashqan bolup, bu musabiqe xaraktérlik tallashta Uyghur élidin jem'iy 30 balini tallap qosh tilliq ilghar bala" mukapatini bergen.

Ashkarilinishiche, xitay tilida sözleydighan boghunlarni tallash musabiqisige Uyghur élidiki besh yashtin 15 yashqiche bolghan 40 ming ösmür balilar tallap qatnashturulghan bolup, n musabiqe jeryani radi'o téliwiziyilerde keng teshwiq qilin'ghan.

Uyghur élidiki bezi ata anilar hemde ma'aripchilar xitay hökümitining balilarni musabiqige sélish arqiliq teshwiqat élip bérishning xataliqini körsitip "xitay hökümitining peqet xitay tilini yaxshi sözleydighan balilarnila ‘ilghar bala’ dep mukapatlap teshwiq qilishi, öz ana tilida yaxshi sözleydighan nurghun Uyghur we bashqa az sanliq millet balilirini kemsitkenlik bilen barawer" deydu.

Xitay hökümiti hazirgha qeder 150 ming az sanliq millet balilirining xitayche ma'aripni qobul qilishini emelge ashurghan bolup, -2010 yiligha barghanda Uyghur élide jem'iy 258 ming balining baghcha ma'aripidin bashlap pütünley xitay tilida terbiyileshni pilanlimaqta iken. (Gülchéhre)