Хитай "қош тил маарипи" мәблиғини йәнә көпәйтти


2007.03.15

Шинҗаң гезитиниң 15 ‏- марттики хәвиригә қариғанда, хитай һөкүмити вә аптоном районлуқ һөкүмәт йәнә 13 миң 500 нәпәр "қош тиллиқ оқутқучилар" ни тәрбийиләшкә 200 нәччә милйон йүән аҗратқан. Буниң ичидики 150 милйонни хитай һөкүмити бивастә аҗратқан болуп, башқа 60 милйонни аптоном районлуқ һөкүмәт аҗратқан.

Хитай 2007 ‏- йили уйғур елидики алий мәктәпләрни таянч қилип туруп, оттура-башланғуч мәктәп " қош тиллиқ оқутқучилар" ни тәрбийиләш базиси қуруп чиқидикән. Хитай буни " уйғур елидики оттура-башланғуч мәктәп аз санлиқ милләт қош тил оқутқучилири тәрбийиләш қурулуши" дәп атиған вә " бу хизмәтни әстайидил орунлаштуруп йолға қоюш" керәк дәп бәлгилигән.

Чәтәлләрдики уйғур көзәткүчиләр, хитайниң бирнәччә йилдин буян уйғур елидә йүргүзүп келиватқан " қош тил маарипи" сиясити, һечқандақ рошән " қош тил маарипи"лиқ алаһидиликини һазирлимиған сиясәт болуп, әмәлийәттә уйғур милли маарипиниң орниға хитайчә маарипни дәсситиштин башқа нәрсә әмәс дәп көрсәтмәктә.

Хитайниң бу йилму йәнә нәччә йүз милйон мәбләғ селип" қош тил" оқутқучилирини тәрбийишлши, қандақтур хитайниң уйғурларниң оқу-оқутуш ишлириға қиливатқан сахавәтлик ярдими болмастин, бәлки хитай һөкүмитиниң уйғур милли маарипини үзүл-кесил вәйран қилип, уйғурларниң милли кимлики вә милли мәдәнийәт еңини суслаштуруп, өзликини унтулдуруш, вә уйғурларни асанрақ ассимилятсийә қилиштики сияси суйиқәсти икән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.