Хитай уйғур елидики "қош тил" маарипи қәдимини йезиларғичә кеңәйтмәктә


2007.04.03

Қәшқәр һөкүмәт торида 3 ‏- април елан қилинған хәвәрдин мәлум болушичә, уйғур елиниң җәнубидики йеза-қишлақларда "қош тил" оқутуш ишлири кеңәйтилгән.

Хәвәрдә мундақ дейилгән, "йеқинқи йиллардин бери йопурға наһийиси "қош тил" маарипини тәрәққи қилдурушни пүтүн наһийиниң иқтисади тәрәққияти, җәмийәт аманлиқини қоғдаш, вә барчә милләтләрниң ортақ тәрәққи қилиш ишлиридики асас характерлик қурулуш сүпитидә чиң тутти".

Хәвәрдә ашкарилинишичә, йопурға наһийиси өз тәвәсидики йезиларда "қош тил" маарипини омумйүзлүк қанат яйдуруш үчүн, ишни наһийә тәвәсидики йезиларниң партийә ячейка секритарлирини таллаштин башлиған болуп, буниңда сияси җәһәттә қаттиқ, асаси қатламда хизмәт қилиш тәҗрибиси бар хадимларни сәплигән.

Униңдин башқа, йопурға наһийиси "қош тил" маарипи селинмисини көпәйткән болуп, 4 милйон йүән мәбләғ селип оқутқучилар қошуни йетиштүргән вә 100 миң йүән сәрп қилип "қош тил" оқутушидики илғар шәхс вә орунларни тәқдирлигән.

Чәтәлләрдики уйғур мутәхәссисләрниң қаришичә, хитай һакимийитиниң уйғур елидики "қош тил" маарип қәдимини тизлитиш вә җәмийәтниң аманлиқини қоғдаш қатарлиқ баһанә-сәвәбләр билән йүргүзүватқан сиясәтлири әмәлийәттә уйғур хәлқиниң мәдәнийитини йоқ қилиш мәқситини әмәлгә ашуруш үчүн икән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.