Xitay Uyghur élidiki "qosh til" ma'aripi qedimini yézilarghiche kéngeytmekte


2007.04.03

Qeshqer hökümet torida 3 ‏- april élan qilin'ghan xewerdin melum bolushiche, Uyghur élining jenubidiki yéza-qishlaqlarda "qosh til" oqutush ishliri kéngeytilgen.

Xewerde mundaq déyilgen, "yéqinqi yillardin béri yopurgha nahiyisi "qosh til" ma'aripini tereqqi qildurushni pütün nahiyining iqtisadi tereqqiyati, jem'iyet amanliqini qoghdash, we barche milletlerning ortaq tereqqi qilish ishliridiki asas xaraktérlik qurulush süpitide ching tutti".

Xewerde ashkarilinishiche, yopurgha nahiyisi öz tewesidiki yézilarda "qosh til" ma'aripini omumyüzlük qanat yaydurush üchün, ishni nahiye tewesidiki yézilarning partiye yachéyka sékritarlirini tallashtin bashlighan bolup, buningda siyasi jehette qattiq, asasi qatlamda xizmet qilish tejribisi bar xadimlarni sepligen.

Uningdin bashqa, yopurgha nahiyisi "qosh til" ma'aripi sélinmisini köpeytken bolup, 4 milyon yüen meblegh sélip oqutquchilar qoshuni yétishtürgen we 100 ming yüen serp qilip "qosh til" oqutushidiki ilghar shexs we orunlarni teqdirligen.

Chet'ellerdiki Uyghur mutexessislerning qarishiche, xitay hakimiyitining Uyghur élidiki "qosh til" ma'arip qedimini tizlitish we jem'iyetning amanliqini qoghdash qatarliq bahane-sewebler bilen yürgüzüwatqan siyasetliri emeliyette Uyghur xelqining medeniyitini yoq qilish meqsitini emelge ashurush üchün iken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.