Xitay Uyghur élining nahiye ‏- yézilirida " qosh tilliq " ma'aripni kücheytmekte

Xitay da'iriliri" qosh tilliq" ma'arip siyasitini, Uyghur ilidiki ottura , bashlan'ghuch mekteplerdila yolgha qoyup qalmastin, belki nahiye ‏- yézilardiki yeslilergiche yolgha qoyushni kücheytmekte.

Tengritagh torining peyshenbe künidiki xewiridin ashkarilinishiche, bu yil yéngisheher nahiyisi yézilarda balilar yeslilirini qurup, yeslilerde " qosh tilliq " ma'aripni zor küch bilen tereqqi qildurushni teshebbüs qilghan. Xewerde yene , nöwette pütün yéngisheher nahiyisi buyiche her qaysi yézilarda qurulghan " qosh tilliq" balilar yeslisi 82 ge, yeslidiki balilarning sani 5430 gha yetkenliki, yeslide " qosh tilliq " ma'arip terbiyisini qobul qiliwatqan balilar oqush yéshidiki balilar omumiy sanining % 51 ini igileydighanliqi melum bolghan.

Chet'ellerde pa'aliyet élip bériwatqan Uyghur teshkilatliri, xitay hökümitining " qosh tilliq " ma'aripni kücheytishidiki meqsidini, noqul halda Uyghur perzentlirini öz ana tilidin mehrum qaldurush, Uyghur ma'aripini bikar qilish, netijide Uyghurlarni asmiliyatsiye qilish siyasitini ishqa ashurushtin ibaret dep qarap, Uyghur ma'aripini qoghdashni, chet'ellerde élip bériwatqan pa'aliyetlirining muhim kün tertipige kirgüzgen.

Uyghur teshkilatliridin bashqa kishilik hoquq teshkilatlirimu, xitay da'irilirining Uyghur élide yürgüzüwatqan " qosh tilliq " ma'arip siyasitini , Uyghur milliy ma'aripigha qilin'ghan hujum dep qarimaqta . (Eqide)