خىتاي، ئۇيغۇر ئاپتونوم رايونىدىكى ئوقۇش يېشىغا توشمىغان ئۆسمۈرلەرگە خىتايچە ئۆگىتىش ئۈچۈن مەبلەغ ئاجراتتى


2007-11-14
Share

خىتاي ھۆكۈمىتى ئۇيغۇر ئاپتونوم رايونىدا ئوقۇش يېشىغا توشمىغان ئۆسمۈرلەرگە خىتايچە ئۆگىتىش ئۈچۈن كۆپلەپ مەبلەغ ئاجراتماقتا.

خىتاينىڭ 'تەڭرىتاغ تور بېتى'دە بايان قىلىنىشىچە، ئاپتونوم رايونلۇق مالىيە نازارىتى خوتەن، قەشقەر قاتارلىق يەتتە ۋىلايەت ۋە ئوبلاست دائىرىسىدىكى يېزا-قىشلاقلاردا ئوقۇش يېشىغا توشمىغان 122 مىڭ 939 نەپەر ئۆسمۈرلەرنى خىتايچە ئوقۇتۇشنى پىلانلاپ، 'قوش تىللىق مائارىپ' دېگەن نام ئاستىدا 70 مىليون 390 مىڭ يۇەن مەبلەغ ئاجراتقان. مۇشۇ پىلانغا كىرگۈزۈلگەن ئۆسمۈرلەر ئۈچۈن كۈنىگە بىر يېرىم يۇەندىن تۇرمۇش ياردەم پۇلى قوشۇپ بېرىشنى بەلگىلىگەن.

ئۇيغۇرلار خىتاي ھۆكۈمىتىنىڭ ئۇيغۇر ئاپتونوم رايونىدا 'قوش تىللىق مائارىپ'نى يولغا قويغانلىقىنى، ئۇيغۇر تىلىنى يوق قىلىپ، ئۇيغۇر ئاپتونوم رايونىنى خىتايلاشتۇرۇشنى مەقسەت قىلىدۇ، دەپ قارايدۇ ۋە بۇنىڭ ئەمەلىي پاكىتلىرىنى دۇنياغا تونۇشتۇرماقتا.

ئامېرىكا دۆلەت مەجلىسىنىڭ خىتاي ئىشلىرى ئىجرائىيە كومىتېتى يېقىندا ئېلان قىلغان 2007 ‏- يىللىق دوكلاتىمۇ، خىتاي ھۆكۈمىتىنىڭ ئۇيغۇرلارنىڭ مىللىي كىملىكىگە قارىتا يۈرگۈزگەن 'قاتتىق زەربە بېرىش' سىياسىتى ۋە ئۇيغۇر تىلىنىڭ دائىرىسىنى چەكلەش ئەمەلىيىتى بىۋاستە تەنقىد قىلىندى.

ھازىر ئۇيغۇرلارنىڭ خىتاي كوممۇنىست پارتىيىسىنىڭ 'خىتايلاشتۇرۇش' سىياسىتىگە قارشى ھېسسىياتىنى چۈشىنىۋاتقان ۋە ئۇيغۇرلارغا ھېسداشلىق قىلىدىغان دۆلەتلەرنىڭ سانى بارغانسېرى كۆپەيمەكتە. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت