Хитай һөкүмити қәшқәр, хотән, ақсу районлирида хитайчә оқуйдиған уйғур балилириниң санини йилдин ‏- йилға көпәйтмәктә


2007.11.28

Хитай һөкүмити бултурдин башлап қәшқәр, хотән, ақсу районлирида 'қош тиллиқ маарип' ни йолға қоюш үчүн 430 милйон аҗратқан. Хитайниң 'шинҗаң хәвәр тори'дин мәлум болушичә, һазир бу районларда 'қош тиллиқ маарип' дегән нам астида 50 миң бала хитайчә оқуватиду.

2010 ‏- Йилиғичә, бу районларда хитайчә оқутилидиған уйғур балилириниң сани258 миңға йәткүзилидикән.

'Тәңритағ тор бети' дә баян қилинишичә, аптоном район рәһбәрлиридин исмаил тиливалди, нур бәкриләр йеқинда, 1 ‏- авғуст оттура мәктипи, тәҗрибә оттура мәктипи, шинҗаң сәнәт иниститути қатарлиқ мәктәпләргә берип, улардин, буниңдин кейин 17 ‏- қурултай роһи буйичә 'қош тиллиқ маарип'ни техиму кәң көләмдә йолға қоюшни, худди генерал ваң җен қурған 1 ‏- авғуст оттура мәктипидәк пүтүнләй хитайчә оқутуп, техиму көп 'сотсиялизмниң из басарлири'ини йетиштүрүшни тәләп қилған. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.