Aqsu wilayitide " qosh til" ma'aripi oqughuchilirining sani 300 mingdin éship ketti

Hazir aqsu wilayitide "qosh til" yesliliri barghanche köpiyiwatqan bolup, aqsu hökümet torida xewer qilinishche, bu " qosh til" siyasitining mehsuli iken.
Muxbirimiz jüme xewiri
2008.06.23

 Xewerde körsitilishiche, 2003 - yilidin bashlap aqsu wilayiti teweside " qosh til" ma'aripini yézilardiki yeslilergiche kéngeytish xizmiti kücheytilgen bolup, hazirche bu xildiki oqutush orunliri 407 ge, qosh til sinipliri  1300 ge, oqughuchilarning sani 50 minggha yetküzülgen.

Uningdin bashqa yene, ötken besh yil jeryanida mezkur wilayet teweside "qosh til" ma'aripi boyiche terbiye körgen az sanliq milet oqughuchilirining sani 300 mingdin éship ketken.

Hazir yerlik xitay hökümiti Uyghur élide yürgüzüwatqan "qosh til "ma'aripi siyasiti Uyghurlarni qattiq endishige séliwatqan mesililerning biri bolup, hazir chet'elge tughqan yoqlash üchün chiqqan, nam sheripini ashkarilashni xalimighan bir Uyghur ma'aripchining bildürüshiche, emeliyette xitay tili oqutushini asas qilghan hemde assimilyatsiye sheklide yürgüzülüwatqan bu xil ma'arip tüzülmisi yene izchil dawamlashturulsa, Uyghurlarning milly neshriyatchiliqni öz ichige alghan barliq sahesi pütünley weyran bolidiken hemde neshir qilish, tereqqiy qilish we tarqitish wastisidin ayrilip qalghan Uyghurlarning ana tili éghir krizis astigha chüshüp qalidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.