بۇ يىل ئىچكىرىدىكى تولۇق ئوتتۇرا ۋە تولۇقسىز ئوتتۇرا سىنىپلىرىدا ئوقۇيدىغانلار ئاشۇرۇلدى

ئۇيغۇر ئاپتونوم رايونلۇق مائارىپ نازارىتىنىڭ بىلدۈرۈشىچە، بۇ يىل ئىچكىرى خىتايدىكى ۋە ئۇيغۇر ئاپتونوم رايونىنىڭ ئىچىدىكى تولۇق ئوتتۇرا ھەم تولۇقسىز ئوتتۇرا سىنىپلىرىغا ئوقۇغۇچى قوبۇل قىلىشتا يېزا - چارۋىچىلىق رايونلىرىدىكى بالىلار ئاساس قىلىنغان.
مۇخبىرىمىز ئۈمىدۋار خەۋىرى
2008-04-27
Share

 شىنخۇئانىڭ خەۋىرىگە قارىغاندا، بۇ يىل ئىچكىرىدىكى "شىنجاڭ تولۇق ئوتتۇرا سىنىپلىرى" ۋە " شىنجاڭ ئىچىدىكى تولۇقسىز سىنىپلار " دا ئوقۇش ئۈچۈن 84 مىڭ ئادەم ئۆزىنى مەلۇم قىلغان بولۇپ، ئۇلارنىڭ پەقەت 10 مىڭى قوبۇل قىلىنىدىكەن.

ئىچكىرى خىتايدىكى تولۇق ئوتتۇرا مەكتەپلەردە مەخسۇس تەسىس قىلىنغان " ئىچكىرىدىكى شىنجاڭ تولۇق ئوتتۇرا سىنىپلىرى" غا قوبۇل قىلىنىدىغان ئوقۇغۇچىلار نىسبىتى ئۆتكەن يىلىدىكىدىن ئاشۇرۇلغان بولۇپ، %40 كە يەتكۈزۈلگەن. خىتاينىڭ 28 ئۆلكە ۋە شەھىرىدىكى 50 مەكتەپ بۇنداق سىنىپلارنى تەسىس قىلغان بولۇپ، ھەر يىلى 5000 ئوقۇغۇچى قوبۇل قىلىنىدۇ.

ئۇچۇرلاردىن قارىغاندا، ئىچكىرىدىكى تولۇق ئوتتۇرا سىنىپلىرىدا ئوقۇشنى ئۈمىد قىلىدىغان ئوقۇغۇچىلارنىڭ سانى يىلدىن يىلغا ئېچىشقا باشلىغان بولۇپ، كۆپىنچە ئاتا - ئانىلار بۇنى پەرزەنتلىرىنىڭ كەلگۈسىدىكى ئىستىقبالى بىلەن باغلاپ چۈشىنىدىكەن. نۆۋەتتە، ئۇيغۇر ئېلىدا ئۇيغۇر تىلىنىڭ ئورنىنىڭ چۈشۈرۈلۈشى ۋە ئېتىبارسىز قالدۇرۇلۇشى ھەمدە مەكتەپلەردە قوش تىللىق ئوقۇتۇش نامى ئاستىدا خىتاي تىلى مائارىپىنىڭ ئۈستۈنلۈكنى ئىگىلىشىنىڭ ئاساسىي ئېقىم بولۇپ قېلىۋاتقانلىقى مەلۇم.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت