Uyghur élide qosh til ma'aripida oquwatqan az sanliq millet oqughuchilar sani köpeytilmekchi


2008-01-28
Share

Xitay axbarat wasitilirining xewer qilishiche, yéqindin buyan Uyghur élide qosh ma'aripining kölimi kéngeytilgen bolup, qosh til sinipigha qobul qilidighan déhqan- charwichilar perzentining nisbiti ashurulghan.

Shinxu'a axbarat torida körsitilishiche, Uyghur aptonom rayonining mu'awin re'isi, jin ju hazirgha kelgiche, Uyghur élide qosh til ma'aripi qobul qiliwatqan az sanliq millet oqughuchilar sani 150 minggha, qosh til sinipliri 5 minggha yetkenlikini bildürgen we Uyghur élide qosh til ma'arip salmiqini ashurush bilen birge Uyghur oqughuchilar xitay ölkiliride oquydighan toluq we toluqsiz orta siniplirining kölimini kéngeytish kéreklikinimu qoshumche qilghan.

Jin juning bildürüshiche, yene, hazir Uyghur élide Uyghur- xitay mektepliri birleshtürülgen birleshme mektepler 787 ge yetken bolup, kelgüsi töt yil ichide Uyghur aptonom rayonida qosh tilliq teyyarliq sinip nisbiti 85 pirsentke yetküzilidiken.

Hazir xitay hökümiti Uyghur élide yürgüzüwatqan qosh til ma'arip siyasiti, dunyaning herqaysi jayliridiki Uyghur ziyaliylirini intayin chong endishige séliwatqan mesililerning biri bolup, péshqedem Uyghur ma'aripchiliri we jem'iyetshunasliri, xitayning Uyghur élide yürgüzüwatqan bu ma'arip siyasitini Uyghurlarning milly kimlikige, milly ma'aripigha we kelgüsi mewjutluqigha bérip taqilidighan mesile dep qarap uninggha küchlük qarshi turup kelmekte. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet