خىتاي بۇ يىل خىتاي ئۆلكىلىرىدىكى "شىنجاڭ سىنىپ " لىرىغا 5 مىڭ ئوقۇغۇچى قوبۇل قىلماقچى


2008.02.04

خىتاي مەتبۇئاتلىرى بەرگەن خەۋەرلەرگە قارىغاندا، ئۇيغۇر ئاپتونوم رايونلۇق مائارىپ نازارىتى بۇ يىل يەنە خىتاي ئۆلكىلىرىدىكى تولۇقسىز ۋە تولۇق ئوتتۇرا سىنىپلىرىغا 5 مىڭ نەپەر ئوقۇغۇچى قوبۇل قىلىنىدىغانلىقىنى ئاشكارىلىغان.

تەڭرىتاغ تورىدا كۆرسىتىلىشىچە، خىتاي ئۆلكىلىرىدە ئوقۇيدىغان ئۇيغۇر ئىلى ئوقۇغۇچىلىرى 13 مىڭدىن كۆپ، ئوقۇتۇش ئورۇنلىرى 50 ئەتراپىدا بولۇپ، ھازىر خىتاي ھۆكۈمىتى خىتاي ئۆلكىلىرىگە تەسىس قىلىنغان مەزكۇر سىنىپلارغا ئۇيغۇر ئېلىنىڭ يېزا ‏- قىشلاقلىرىدىن ئوقۇغۇچى قوبۇل قىلىش كۆلىمىنى كېڭەيتكەن.

خەۋەردە نەقىل كەلتۈرۈشىچە، ئۇيغۇر ئاپتونوم رايونىنىڭ مۇئاۋىن رەئىسى جىن نو ھازىر ئۇيغۇر ئېلىدە قۇرۇلغان قوش تىل سىنىپلىرىنىڭ 5مىڭغا يەتكەنلىكىنى، "قوش تىل سىنىپلىرى" دا ئوقۇيدىغان مىللي ئوقۇغۇچىلارنىڭ سانى 150 مىڭدىن ئېشىپ كەتكەنلىكىنى ئېيتقان.

ئۇ يەنە، خىتاي ئۆلكىلىرىگە تەسىس قىلىنغان ئۇيغۇر ئىلى تولۇق ۋە تولۇقسىز ئوتتۇرا سىنىپلىرىغا قوبۇل قىلىنىدىغان مىللي ئوقۇغۇچىلارنىڭ كۆلىمىنى كېڭەيتىش لازىملىقىنى تەكىتلىگەن.

د ئۇ ق باياناتچىسى دىلشات رىشىت بۇ ھەقتە ئىنكاس قايتۇرۇپ: " خىتاينىڭ ئاتالمىش ‘شىنجاڭ سىنىپلىرى’ دا ئوقۇيدىغان مىللي ئوقۇغۇچىلارنى سانىنى تىزلىتىشىدىكى سەۋەب يەنىلا، ئۇيغۇرلارنى ئاسسىمىلياتسىيە قىلىش قەدىمىنى تىزلىتىش دېگەنلىك" دېدى.

ئۇ يەنە، خىتاينىڭ بۇنداق سىياسەتلەرنى تېخىمۇ قاتتىق رەۋىشتە كۈچەيتىشىدىكى ئاساسلىق سەۋەبنىڭ يەنىلا ئۇيغۇر ئوقۇغۇچىلارنى كىچىكىدىن خىتاي ئۆلكىلىرىدە تەربىيىلەپ، ئۇلارنىڭ ئۆز مىللىتىگە بولغان مۇھەببەت ۋە پەخىرلىنىش تۇيغۇسىنى ئاجىزلاشتۇرۇپ، كەلگۈسىدە ئۇيغۇرلارنى تېخىمۇ ئاسان ئىدارە قىلىش مەقسىتىنى ئەمەلگە ئاشۇرۇش ئىكەنلىكىنى كۆرسەتتى. (جۈمە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.