Xitay bu yil xitay ölkiliridiki "shinjang sinip " lirigha 5 ming oqughuchi qobul qilmaqchi

Xitay metbu'atliri bergen xewerlerge qarighanda, Uyghur aptonom rayonluq ma'arip nazariti bu yil yene xitay ölkiliridiki toluqsiz we toluq ottura siniplirigha 5 ming neper oqughuchi qobul qilinidighanliqini ashkarilighan.

Tengritagh torida körsitilishiche, xitay ölkiliride oquydighan Uyghur ili oqughuchiliri 13 mingdin köp, oqutush orunliri 50 etrapida bolup, hazir xitay hökümiti xitay ölkilirige tesis qilin'ghan mezkur siniplargha Uyghur élining yéza ‏- qishlaqliridin oqughuchi qobul qilish kölimini kéngeytken.

Xewerde neqil keltürüshiche, Uyghur aptonom rayonining mu'awin re'isi jin no hazir Uyghur élide qurulghan qosh til siniplirining 5minggha yetkenlikini, "qosh til sinipliri" da oquydighan milly oqughuchilarning sani 150 mingdin éship ketkenlikini éytqan.

U yene, xitay ölkilirige tesis qilin'ghan Uyghur ili toluq we toluqsiz ottura siniplirigha qobul qilinidighan milly oqughuchilarning kölimini kéngeytish lazimliqini tekitligen.

D u q bayanatchisi dilshat rishit bu heqte inkas qayturup: " xitayning atalmish ‘shinjang sinipliri’ da oquydighan milly oqughuchilarni sanini tizlitishidiki seweb yenila, Uyghurlarni assimilyatsiye qilish qedimini tizlitish dégenlik" dédi.

U yene, xitayning bundaq siyasetlerni téximu qattiq rewishte kücheytishidiki asasliq sewebning yenila Uyghur oqughuchilarni kichikidin xitay ölkiliride terbiyilep, ularning öz millitige bolghan muhebbet we pexirlinish tuyghusini ajizlashturup, kelgüside Uyghurlarni téximu asan idare qilish meqsitini emelge ashurush ikenlikini körsetti. (Jüme)