Dunya Uyghur qurultiyi pütün dunyadiki Uyghurlarning qurban héytini qutluqlidi


2005.01.19
Share on WhatsApp
Share on WhatsApp

Merkizi gérmaniyidiki dunya Uyghur qurultiyi qurban héyt munasiwiti bilen pütün dunyadiki Uyghurlarning bayrimini qutlidi.

Dunya Uyghur qurultiyining re'isi erkin alp tékin bashchilighidiki barliq hey'et ezaliri charshenbe küni resmiy yosunda tebrikname élan qilip, "dunya Uyghurqurultiyi ulugh héyt munasiwiti bilen pütün dunyadiki sherqiy türkistanliqlargha jümlidin wetinimiz sherqiy türkistandiki barliq qérindashlirimizgha ali éhtiram bilen salam we söygü yollaydu" dep bildürdi.

Ular mezkür tebrik xétide yene, sherqiy türkistanning musteqilliqi yolida qaza qilghanlargha alladin jennet sawabini tilidi we ularning a'ile-tawabatlirigha chongqur qayghu bilen teselli izhar qilidighanliqini we sebir tileydighanliqini éytti.

Uningda yene mundaq dep körsitilgen "uluq wetinimiz sherqiy türkistanning musteqilliqi üchün qatmu-qat qiyinchiliqlarni yéngip, tewrenmes irade bilen öz imanini, wijdanini saqlap, herqaysi seplerde köresh qiliwatqan qehriman Uyghur yigitlirimiz we batur qizlirimizgha cheksiz iptixar bilen hörmet bildürimiz".

Buning bilen bir waqitta gérmaniyediki sherqiy türkistan uchur merkizimu Uyghurlarning bayrimini tebriklesh bilen birge, xitay hökümitini qurban héyt mezgilide Uyghurlarning erkin diniy pa'aliyet élip bérishigha yol qoyushqa chaqirdi. (Peride )

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet