Уйғур елиниң бир қисим районлирида қурғақчилиқ еғир болди


2005-05-18
Share

Уйғур елиниң шималий қисми су апитиниң хәвпигә дуч келиватқан мәзгилдә, уйғур елиниң җәнубий вә шәрқий қисимлирида қурғақчилиқ апити еғирлашмақта.

Уйғур елидики кәлкүндин мудапиә көрүш қурғақчилиқниң алдини елиш ишханиси, бу районлардики бир қисим дәря еқинлириниң су миқдари бу йил башқа йилларға қариғанда хелила аз болғанлиқини, һәтта қумул вилайитидики дәря еқин сүйиниң авалқидин 80٪ азлап кәткәнликини мәлум қилди.

Хәвәрдә көрситилишичә, бу йил уйғур елиниң шималий вә җәнубий қисимлирида һава балдур иссип кетип, һөл-йиғин аз болған, униң үстигә һазир териқчилиқ мәзгили болғанлиқи үчүн суға болған еһтияҗ техиму юқирилап кәткән. Һәтта бу районлиридики су амбарлириниң су запас миқдариму авалқиға қариғанда хелила аз болған.

Қумул шәһиридики асаслиқ су еқинлирида 4 йилдин буян түзүк су келип бақмиғачқа, териқчилиқ суғуруш ишлири асасий җәһәттин йәр асти сүйигә тайинип қалған. Әмма шу сәвәптин һазир йәр асти сү йүзиму авалқидин 80 сантиметир төвәнләп кәткән. Статистикиға қариғанда, бу йәрдики бир йерим милйон мо териқчилиқ мәйдани су йетишмәслик сәвәбидин вәйран болған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт