Uyghur élining bir qisim rayonlirida qurghaqchiliq éghir boldi


2005.05.18
Share on WhatsApp
Share on WhatsApp

Uyghur élining shimaliy qismi su apitining xewpige duch kéliwatqan mezgilde, Uyghur élining jenubiy we sherqiy qisimlirida qurghaqchiliq apiti éghirlashmaqta.

Uyghur élidiki kelkündin mudapi'e körüsh qurghaqchiliqning aldini élish ishxanisi, bu rayonlardiki bir qisim derya éqinlirining su miqdari bu yil bashqa yillargha qarighanda xélila az bolghanliqini, hetta qumul wilayitidiki derya éqin süyining awalqidin 80٪ azlap ketkenlikini melum qildi.

Xewerde körsitilishiche, bu yil Uyghur élining shimaliy we jenubiy qisimlirida hawa baldur issip kétip, höl-yighin az bolghan, uning üstige hazir tériqchiliq mezgili bolghanliqi üchün sugha bolghan éhtiyaj téximu yuqirilap ketken. Hetta bu rayonliridiki su ambarlirining su zapas miqdarimu awalqigha qarighanda xélila az bolghan.

Qumul shehiridiki asasliq su éqinlirida 4 yildin buyan tüzük su kélip baqmighachqa, tériqchiliq sughurush ishliri asasiy jehettin yer asti süyige tayinip qalghan. Emma shu seweptin hazir yer asti sü yüzimu awalqidin 80 santimétir töwenlep ketken. Statistikigha qarighanda, bu yerdiki bir yérim milyon mo tériqchiliq meydani su yétishmeslik sewebidin weyran bolghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet