Д у қ иҗраийә комитетиниң йиғини ахирлашти

Германийидә зиярәттә болған дуня уйғур қурултийиниң рәиси рабийә қадир ханимниң йетәкчиликидә ечилған қурултай иҗраийә комитетиниң 2 - нөвәтлик йиғини 7 - айниң 27 - миюнхенда ахирлашти.

Дуня уйғур қурултийи тәшвиқат бөлүминиң тарқатқан учурлиридин қариғанда ,26- вә 27 - июл күнлири чақирилған бу йиғинда, нуқтилиқ һалда 2008 - йили өткүзилидиған бейҗиң олимпик мусабиқисиға қарши лайиһиләр вә қурултай фондини йәниму күчләндүрүш мәсилиси музакирә қилинған.

Д у қ ниң иҗраийә комитетиниң йиғинида өз алдиға елип баридиған айрим паалийәтләрдин ташқири, йәнә "хәлқара кәчүрүм тәшкилати", „чеграсиз кишилик һоқуқ тәшкилати", „хәтәр астидики милләтләрни қоғдаш тәшкилати", "инсан һәқлирини көзитиш тәшкилати", вәкаләтсиз милләтләр тәшкилати", тибәт вә фалүңоңчилар вә башқа демократик тәшкилатлар билән бирлишип елип баридиған программилар әтраплиқ музакирә қилинди.

Хәвәрләрдин қариғанда, д у қ рәһбири системисида бәзи тәңшәшләр елип берилғандин сирт йәнә вәтәндашлиқ бәдили(уйғурлуқ бәдили) төләшни әмәлийләштүрүш , мәтбуат, нәшриятчилиқ ишлирини җиддий йолға қоюш вә раваҗландуруш, қурултайниң һәр қайси дөләтләрдики вакаләтчилирини көпәйтиш, қурултайниң рәһбәрлик аппаратини күчәйтиш қатарлиқлар қарар қилинған.

Рабийә қадир ханим германийә сәпиридә уйғур телевизийә программиси вә германийә һәм хәлқаралиқ мухбирларниң зиярәтлирини қобул қилған.(Үмидвар)