Uyghur élidiki 4 bimarning qush zukimi emesliki éniqlandi

Uyghur élide qush zukimi késili tarqilip hazirghiche bolghan mezgilde, 4 kishide qush zukimi alametliri körülgen. Emma munasiwetlik orunlar tekshürüshtin kéyin, ularning qush zukimi bilen yuqumlanmighanliqini éniqlidi.

Bu yil qish kélishi bilen, ilgiri-axir bolup Uyghur élining 9 yéride qush zukimi bayqalghan idi. Shundin bashlap bu yuqum rayonlar qamal qilinip, bu yerdin 3 kilométir kélidighan jaylardiki öy qushliri öltürülgen. Hazir ularning arisidiki 4 yuqum rayonining qamal qilinishi bikar qilinip, öy qushliri sodisi eslige keltürüldi.

Bu arida xitay yéza igilik ministirliqi, gerche hazir bu késel bir qeder kontrol qilin'ghan bolsimu, lékin kéler yilning béshidiki bahar bayrimida yene tarqilip qélishi mumkinlikini agahlandurdi.

Kishini eng endishige salidighini, qush zukimining ademlerge yuqup qélishi bolup, bu yil 10‏- aydin hazirghiche xitayda jem'iy 25 kishi qush zukimi bilen yuqumlinip, 2 si qaza qildi. (Peride)