Uyghur élide qush zukimi wirosi bayqaldi


2005-06-09
Share

Uyghur élining chöchek shehiridiki bir ghaz férmisida, insanlarning hayatigha zor tehdid élip kélidighan qush zukimi wirosi (H5N1) bayqaldi.

Roytirs axbarat agéntliqining xewirige qarighanda, xitay yéza- igilik ministirliqi peyshenbe küni chöchektiki bir ghaz férmisida qush zukimi wirosi tarqilip, 400 din artuq ghazning ölgenliki, mingdin artuq ghazda késellik alametliri körülgenlikini étirap qilghan. Xitay da'iriliri yene, bu munasiwet bilen férmidiki 13 mingdin artuq ghazni öltürgenlikini bildürgen.

Xitay yéza- igilik minsitirliqi, Uyghur aptunum rayunluq hökümet tarmaqlirining qamal qilish we dizinfiksiye qilish qatarliq wastilerni qollinip, wirosning tarqilishini kontrol qilghanliqini bildürmekte.

Buning aldida qush zukimi wirosi chingxey ölkiside tarqalghan idi. 26 - May künigiche, chingxey ölkiside mingdin artuq qush, qush zukimi wirosi bilen ölgen. Emma chingxeydiki qush zukimining ademlerge yuqqanliqi heqqide melumatlar yoq idi.

Dunya sehiye teshkilatining bayanatchisi roy wadiya, Uyghur élide yüz bergen qush zukimining ademlerge yuqush ihtimalliqini mölcherleshning qiyinliqini bildürdi hemde xitay da'irilirini barliq mudapi'e wastilirini qollinishqa chaqirdi.

Qush zukimi wirosi sekkiz yil awwal xitay we xongkongdiki a'ile qushlirida tünji bolup bayqalghan bolup, 2003 - yili sherqiy jenubiy asiyada keng tarqilip, 50 tin artuq ademning ölishini keltürüp chiqarghan idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet