Уйғур аптоном райониниң санҗи областида қуш зукам вируси байқалди


2005-06-21
Share

Уйғур аптоном райониниң чөчәк шәһири әтрапидики бир ғаз фермисида қуш зукам вируси байқилиш вәқәсидин кейин, мәзкур зукам вируси әмди санҗидики бир өй һайванлири фермисида байқалған.

Хитай йеза игилик министирлиқи сәйшәнбә күни санҗида қуш зукам вируси байқалғанлиқини дуня сәһийә тәшкилатиға мәлум қилған.

Франсийә ахбарат агентлиқиниң хәвәр қилишичә, қуш зукам вируси байқалған фермида 128 ғаз мәзкур вирус билән юқумланған, һазирға қәдәр 63 ғаз өлгән. Даириләр мәзкур пермидики 1500 тоху вә ғазни өлтүрүвәткән. Б д т қармиқидики зираәт вә йимәк - ичмәк оргининиң тәкитлишичә, хитай йеза игилик министирлиқи зукам вирусиниң контрол қилинғанлиқини шундақла һазирға қәдәр адәмләргә юқуш әһвали байқалмиғанлиқини билдүргән.

Бу вәқә уйғур аптоном райони қуш зукам вирусиниң йеқинқи 10 күн ичидә 2 - қетим байқилиши болуп һесаблиниду. Мәзкур вирус буниңдин бир қанчә күн илгири чөчәк шәһириниң 30 километир нерисидики бир ғаз фермисида байқалған. Даириләр, чөчәк шәһиридики өй һайванлири базирини тақиған иди. "

"Вашингтон почта гезити" ниң хәвәр қилишичә, дуня сәһийә тәшкилати хитай һөкүмити деһқанларни адәмләргә ишлитидиған анти- вирус дорисини қуш зукам вирусиға қарши һайванларға ишлитишкә тәрғип қилған, дәп гуманлинидикән. Хитай һөкүмити сәйшәнбә күни "вашингтон почта гезити" ниң бу һәқтики хәвириниң тоғрилиқини рәт қилди. Әмма шундақтиму йәнила тәкшүрүш елип баридиғанлиқини билдүрди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт