Uyghur diyarida qush zukimi taralghanliqi melum bolmaqta


2005.11.14
Share on WhatsApp
Share on WhatsApp

Merkiziy agéntliqning 14 - noyabir küni xongkongda chiqidighan ammiwi gézitning xewirini neqil keltürüshiche, Uyghur élining merkizi ürümchi shehirige qarashliq ürümchi nahiyisi bilen qeshqer rayoni etirapidiki bir qisim nahiyilerde qush zukimi késelliki peyda bolghan.

Xitay metbu'atliri hazirgha qeder , bu heqte héchqandaq uchur élan qilmighan bolup, ammiwi gézitining xewirige asaslan'ghanda, Uyghur élidiki sehiye tarmaqliri qush zukimi taralghan mezkur rayonlarda késelning aldini élish xizmetlirini qanat yaydurup, 13 - noyabir künige qeder 200 mingdin artuq öy qushlirini öltürgen.

Xewerde éytilishiche, xitay yéza igilik ministirliqining mutexessisliri 12 - noyabir küni ürümchige yétip kélip, ürümchide qush zukimi wirusining tarqilish ehwali üstidin tekshürüsh élip barghan, biraq mezkur ministirliqmu bu heqte héchqandaq uchur bermigen.

Uyghur élidiki yéza igilik mutexessislirining bildürüshiche, Uyghur éligha chégridash 8 dölette qush zukimining tarqilish ehwali éghir bolup, buningdin sirt, Uyghur élining etrapidiki ichki mongghul, chingxey, gensu qatarliq jaylarmu qush zukimi bayqalghan jaylardin bolghachqa, Uyghur éli qorshaw ichide qalghan , bu seweblik mudapi'elinish xizmetliri jiddiy élip bérilmaqta iken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.