Уйғур елиниң мичүән шәһиридиму қуш зукими байқалди


2005.11.23
Share on WhatsApp
Share on WhatsApp

Хитай һөкүмити чаршәнбә күни уйғур елиниң мичүән шәһиридиму йеңидин қуш зукими кесили байқалғанлиқини елан қилди. Шуниң билән бу уйғур аптоном районида қуш зукам кесилиниң йеқинқи 3 һәптидин буян 6 - қетим байқилиши болуп һесаблиниду.

Франсийә агентлиқиниң хәвиригә қариғанда, 15- ноябир күни мичүән шәһириниң нюҗуаңзи йезисида 2000 дин ошуқ өй қуши туюқсиз өлүп кәткәндин кейин, һайванларни давалаш орунлири тәкшүрүши нәтиҗисидә, бу өй қушлириниң қуш зукими кесили билән өлгәнликини ениқлиған. Уйғур аптоном районидики һайванларни давалаш орунлири һазир қуш зукими вируси байқалған җайдин 3 километир йирақлиққичә болғай районлардики өй қушлирини өлтүрүш буйриқи бойичә иш көрмәктә.

Уйғур аптоном райони һазир хитай бойичә қуш зукими кесили әң көп байқиливатқан җай болуп, буниң алдида қуш зукими мичүәндин сирт йәнә, үрүмчиниң нәнниңчү, уланбай вә даванчиң районлирида һәмдә поскам, хотәнләрдә байқалған иди.

Нөвәттә кишини әң әндишигә салидиғини, қуш зукими кесилиниң адәмләр арисида тарқилип кетиши болуп, 2003 - йилида асияда тарқалған қуш зукими апитидә аз дегәндә 60 киши қаза қилған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.