Uyghur élining michü'en shehiridimu qush zukimi bayqaldi


2005.11.23
Share on WhatsApp
Share on WhatsApp

Xitay hökümiti charshenbe küni Uyghur élining michü'en shehiridimu yéngidin qush zukimi késili bayqalghanliqini élan qildi. Shuning bilen bu Uyghur aptonom rayonida qush zukam késilining yéqinqi 3 heptidin buyan 6 - qétim bayqilishi bolup hésablinidu.

Fransiye agéntliqining xewirige qarighanda, 15- noyabir küni michü'en shehirining nyuju'angzi yézisida 2000 din oshuq öy qushi tuyuqsiz ölüp ketkendin kéyin, haywanlarni dawalash orunliri tekshürüshi netijiside, bu öy qushlirining qush zukimi késili bilen ölgenlikini éniqlighan. Uyghur aptonom rayonidiki haywanlarni dawalash orunliri hazir qush zukimi wirusi bayqalghan jaydin 3 kilométir yiraqliqqiche bolghay rayonlardiki öy qushlirini öltürüsh buyriqi boyiche ish körmekte.

Uyghur aptonom rayoni hazir xitay boyiche qush zukimi késili eng köp bayqiliwatqan jay bolup, buning aldida qush zukimi michü'endin sirt yene, ürümchining nenningchü, ulanbay we dawanching rayonlirida hemde poskam, xotenlerde bayqalghan idi.

Nöwette kishini eng endishige salidighini, qush zukimi késilining ademler arisida tarqilip kétishi bolup, 2003 - yilida asiyada tarqalghan qush zukimi apitide az dégende 60 kishi qaza qilghan idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.