ئۇيغۇر ئېلىنىڭ تۇرپان شەھىرىدە قۇش زۇكىمى ۋىرۇسى بايقالدى


2005.11.24
Share on WhatsApp
Share on WhatsApp

خىتاي يېزا ئىگىلىك مىنىستىرلىقى پەيشەنبە كۈنى ئۇيغۇر ئېلىنىڭ تۇرپان شەھىرىدە يېڭىدىن قۇش زۇكىمى ۋىرۇسىنىڭ بايقالغانلىقىنى ئېلان قىلدى. بۇ ئۇيغۇر ئېلىدە ئۆتكەن ئايدىن بېرى بايقالغان 7 - قېتىملىق قۇش زۇكىمى تارقىلىش ئەھۋالى بولۇپ ھىسابلىنىدۇ.

فرانسىيە ئاخبارات ئاگېنتلىقىنىڭ خەۋىرىگە قارىغاندا، 11 - ئاينىڭ 17 - كۈنى تۇرپان شەھىرىنىڭ يار يېزىسىدىكى بىر فېرمىدا ئۆلگەن قۇشلارنىڭ ئەجەللىك H5N1 تىپلىق قۇش زۇكىمى بىلەن يۇقۇملانغانلىقى ئېنىقلانغان.

خىتاي دائىرىلىرى تۇرپاندىكى قۇش زۇكىمى تارقالغان فېرمىنىڭ ئەتراپىدىكى 3 كىلومېتىرغىچە بولغان جايلاردىكى بەش مىڭدىن ئارتۇق ئۆي قۇشلىرىنى ئۆلتۈرگەن.

ئۇيغۇر ئېلى خىتايدىكى قۇش زۇكىمى ۋىرۇسىنىڭ زەربىسىگە ئەڭ ئېغىر ئۇچرىغان رايون. ئۆتكەن ئايدا ئۈرۈمچى شەھىرىنىڭ ئەتراپىدا قۇش زۇكىمى بايقالغاندىن بۇيان، ئۈرۈمچى ناھىيىسى، خوتەن، داۋانچىڭ، مىچۈەن قاتارلىق جايلاردىمۇ قۇش زۇكىمىنىڭ تارقىلىش ئەھۋالى كۆرۈلدى. ئەمما خىتاي دائىرىلىرى ئۇيغۇر ئېلىدە قۇش زۇكىمىنىڭ ئادەمگە يۇقۇش ئەھۋاللىرىنىڭ كۆرۈلمىگەنلىكىنى بىلدۈرمەكتە.(ئارزۇ)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت