Ürümchi nahiyisidiki qush zukimi yuqum rayonini karantin qilish bikar qilindi


2005.12.11
Share on WhatsApp
Share on WhatsApp

Poskamdiki qush zukimi yuqum rayonini karantin qilish bikar qilinip uzun ötmey, shenbe küni ürümchi nahiyisi enenchüy baziri yuqum rayonidimu qamal qilish bikar qilindi. Shundaqla öy qushliri öltürülgen baqmichiliq a'ililirigimu mushu ay ichide tölem puli bérilidiken.

Bu yil 11‏-ayning 12‏-küni, ürümchi nahiyisi enenchüy bazirida téz yuqudighan qush zukimining yuqum ehwali bayqalghandin kéyin, bu yerdiki baqmichiliq rayonliri derhal karantén astigha élip öy qushliri bazirini taqighan. Munasiwetlik orunlar hazirghiche bu yuqum rayonidiki 320 mingdin artuq öy qushini öltürüp boldi.

Qush zukimi ehwali bu yil 11‏-aydin bashlap Uyghur élining ürümchi, poskam, xoten, pichan we könes qatarliq jaylirida bayqaldi. Hemde ürümchi bilen poskamdin bashqa rayonlar hazirghiche karantin qilinmaqta. Kishini hemmidin endishige salidighini qush zukimining ademler arisida tarqilip kétishi bolsimu , emma xitay hökümiti hazirghiche bu késelning ademlerde bayqalmighanliqini tekitlidi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.