Турпан билән пичандики қуш зукими юқум районини карантин қилиш бикар қилинди


2005.12.21
Share on WhatsApp
Share on WhatsApp

Икки һәптә авал уйғур елиниң поскам вә үрүмчи наһийилиридики қуш зукими юқум районини қамал қилиш бикар қилинғандин кейин, йеқинда турпан вә пичандики юқум районини карантин қилишму бикар қилинди.

Тәңритағ хәвәр ториниң мәлуматиға қариғанда, турпан вә пичанда қуш зукими байқалғандин кейин 21 күнгичә юқум райони қамал қилинип, буниң әтрапидики 3 километир йирақлиққичә болған районлардики барлиқ өй қушлири өлтүрүлгән. Шундақла ферма игилири учриған зиянни төләм бериш усули билән бир тәрәп қилған.

Қуш зукими әһвали бу йил 11‏-айдин башлап уйғур елиниң үрүмчи, поскам, хотән, пичан вә көнәс қатарлиқ җайлирида байқалди. Кишини һәммидин әндишигә салидиғини қуш зукиминиң адәмләр арисида тарқилип кетиши болсиму , әмма хитай һөкүмити һазирғичә бу кесәлниң уйғур елидә адәмләрдә байқалмиғанлиқини тәкитлиди.

Хитай һөкүмити сәйшәнбә күни хәлқараниң бесими астида, адәмдә байқалған бу хил зукам вируси билән ген түзүлмисигә даир учурларни тунҗи қетим дуня сәһийә тәшкилатиға тапшурди. Илгири хитай һөкүмити сарс кесили әһвалини йошурғанлиқи билән хәлқара җәмийәт тәрипидин күчлүк әйибләнгән иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.