Turpan bilen pichandiki qush zukimi yuqum rayonini karantin qilish bikar qilindi


2005.12.21
Share on WhatsApp
Share on WhatsApp

Ikki hepte awal Uyghur élining poskam we ürümchi nahiyiliridiki qush zukimi yuqum rayonini qamal qilish bikar qilin'ghandin kéyin, yéqinda turpan we pichandiki yuqum rayonini karantin qilishmu bikar qilindi.

Tengritagh xewer torining melumatigha qarighanda, turpan we pichanda qush zukimi bayqalghandin kéyin 21 kün'giche yuqum rayoni qamal qilinip, buning etrapidiki 3 kilométir yiraqliqqiche bolghan rayonlardiki barliq öy qushliri öltürülgen. Shundaqla férma igiliri uchrighan ziyanni tölem bérish usuli bilen bir terep qilghan.

Qush zukimi ehwali bu yil 11‏-aydin bashlap Uyghur élining ürümchi, poskam, xoten, pichan we könes qatarliq jaylirida bayqaldi. Kishini hemmidin endishige salidighini qush zukimining ademler arisida tarqilip kétishi bolsimu , emma xitay hökümiti hazirghiche bu késelning Uyghur élide ademlerde bayqalmighanliqini tekitlidi.

Xitay hökümiti seyshenbe küni xelq'araning bésimi astida, ademde bayqalghan bu xil zukam wirusi bilen gén tüzülmisige da'ir uchurlarni tunji qétim dunya sehiye teshkilatigha tapshurdi. Ilgiri xitay hökümiti sars késili ehwalini yoshurghanliqi bilen xelq'ara jem'iyet teripidin küchlük eyiblen'gen idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.