Уйғур дияриниң хотән наһийисидә қуш зукими байқалди


2006-06-08
Share

Хитай деһқанчилиқ министирлиқи , уйғур аптоном райониниң хотән наһийисидә қуш зукими вируси байқалғанлиқини билдүрди.

Тәңритағ ториниң 8 ‏- июн күни бәргән хәвиригә асасланғанда, хитай деһқанчилиқ министирлиқи ахбарат ишханиси баянатчисиниң ашкарилишичә, хотән наһийиси бузақ йезисиниң таш ериқ деһқанчилиқ мәйданидики бир бақмичи аилиниң өй қушлири туюқсиз вә сәвәбсизла өлгән.

Хитай өй қушлири тәҗирибиханиси, өлүк өй қушлирини тәкшүрүш вә тәҗирибә қилиш арқилиқ H5 N1 типтики қуш зукими вируси билән өлгәнликини байқиған.

Бир йилдин буян, хитайниң һәр қайси җайлирида йәни сичүән, әнхуй, җеҗяң, фу җийән, ху бей, шаңхәй қатарлиқ көплигән наһийә вә шәһәрлиридә қуш зукими байқилип, нурғунлиған өй қушлири өлгән вә H5N1 типлиқ вирусниң тарқилип кетишиниң алдини елиш мунасивити билән гуманлиқ дәп қаралған районлардики көплигән учар қушлар өлтүрүлгән иди. Қуш зукими хитайда ялғуз қушлардила көрүлүп қалмай, 16 адәмниң мәзкүр вирустин юқумлинишини һәмдә аз дигәндә 12 адәмниң өлүмини мәйданға кәлтүрди.

Әҗәллик қуш зукими кесили , 2003 ‏- йилидин һазирға қәдәр 115 адәмниң җениға замин болди. Бу кесәл асаслиқ шәрқий җәнубий асия дөләтлиридә көп күрүлди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт