Uyghur diyarining xoten nahiyiside qush zukimi bayqaldi


2006.06.08
Share on WhatsApp
Share on WhatsApp

Xitay déhqanchiliq ministirliqi , Uyghur aptonom rayonining xoten nahiyiside qush zukimi wirusi bayqalghanliqini bildürdi.

Tengritagh torining 8 ‏- iyun küni bergen xewirige asaslan'ghanda, xitay déhqanchiliq ministirliqi axbarat ishxanisi bayanatchisining ashkarilishiche, xoten nahiyisi buzaq yézisining tash ériq déhqanchiliq meydanidiki bir baqmichi a'ilining öy qushliri tuyuqsiz we sewebsizla ölgen.

Xitay öy qushliri tejiribixanisi, ölük öy qushlirini tekshürüsh we tejiribe qilish arqiliq H5 N1 tiptiki qush zukimi wirusi bilen ölgenlikini bayqighan.

Bir yildin buyan, xitayning her qaysi jaylirida yeni sichüen, enxuy, jéjyang, fu jiyen, xu béy, shangxey qatarliq köpligen nahiye we sheherliride qush zukimi bayqilip, nurghunlighan öy qushliri ölgen we H5N1 tipliq wirusning tarqilip kétishining aldini élish munasiwiti bilen gumanliq dep qaralghan rayonlardiki köpligen uchar qushlar öltürülgen idi. Qush zukimi xitayda yalghuz qushlardila körülüp qalmay, 16 ademning mezkür wirustin yuqumlinishini hemde az digende 12 ademning ölümini meydan'gha keltürdi.

Ejellik qush zukimi késili , 2003 ‏- yilidin hazirgha qeder 115 ademning jénigha zamin boldi. Bu késel asasliq sherqiy jenubiy asiya döletliride köp kürüldi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet