Хотәндә 17000 данә өй қуши өлтүрүлди


2006-06-11
Share

Уйғур елиниң хотән наһийисидә байқалған қуш зукими сәвәблик һазирғичә бу җайда 17 миң данә өй қуши өлтүрүлгән.

Йеза-игилик министирлиқиниң мәлум қилишичә, бу өлтүрүлгән өй қушлири асаслиқи хотән наһийисиниң бузақ йезисидики тоху фермилириниң болуп, һазир бу йәрдики қуш зукам әһвали дәсләпки қәдәмдә контрол қиливелинған. Лекин хәвәрдә буниң адәмләргә юққан яки юқмиғанлиқи тоғрисида мәлумат берилмигән.

Хотәндики бу қуш зукам тарқилиш әһвали өткән һәптә башланған болуп, бузақ йезисиниң ташериқ деһқанчилиқ мәйданидики бир түркүм өй қушлири туюқсиз өлүп қалған. Шундақла мунасивәтлик орунларниң тәкшүрүши нәтиҗисидә бу қушларниң қуш зукими кесили билән өлгәнлики ениқланған.

Уйғур ели хитай бойичә қуш зукам вируси бир қәдәр көп тарқалған районларниң бири болуп, өткән йили 9‏-айдин бу йилғичә болған мәзгилдә уйғур елиниң пичан, даванчиң, көнәс, поскам қатарлиқ 9 җайида қуш зукам кесили тарқалған иди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт