Хотән наһийисидә җиддий юқумлуқ қуш зуками байқилип контрол қилинған

• 
  2006-07-04

Шинхуа агентлиқиниң хәвиридин мәлум болишичә, хитайниң йез игилик миниситирлики 7 ‏- айниң 4 ‏- күни хотән наһийисидә х 5 н 1 бәлгилик җиддий юқумлуқ қуш зуками байқилип контрол қилинғанлиқи һәққидә доклат тапшуруп алған. У доклатта 'кесәллик байқалған районда карантин қилиш, дезинфексийә қилиш арқилиқ кесәллик тиз контрол қилинди. Шундақла кесәллик байқалған районда өй қушлири өлтүрүлгәндин кейин 21 күнгичә йеңи кесәллик аламәтлири көрүлмиди' дәп баян қилинған икән.

Хәвәрдә баян қилинишичә, шинҗаңда һайванатларда көрүлидиған кесәлликләргә даир чоң вәқәләрни биртәрәп қилиш қоманданлиқ шитаби дәп аталған органму 7 ‏- айниң 2 ‏- күни 'хотәндә наһийисидә йүз бәргән кесәллик контрол қилинди, бу һәқтә бурун чиқирилған җиддий агаһландуруш әмәлдин қалдурулди'дәп җакарлиған. (Вәли)