Uyghur élide qush zukimi yene bayqalghan


2006.07.19
Share on WhatsApp
Share on WhatsApp

Yéqinda shinxu'a agéntliqi Uyghur élining bir qisim jaylirida yene qush zukimi bayqalghanliqi üchün, shangxeydin Uyghur élige qush zukamning aldini élishta ishlitidighan bir türküm dora boyumlirini jiddiy yötkigenlikini xewer qildi.

Melum bolishiche, Uyghur élining nöwettiki jiddiy éhtiyajigha asasen 1500 kilogramgha yéqin dora boyumliri ayrupilan arqiliq Uyghur élige élip kélin'gen. Emma xewerde Uyghur élining qaysi jaylirida yéngidin bu qush zukam ehwalining bayqalghanliqi xewer qilinmighan.

Xitay xewer agéntliqining xewiridimu, Uyghur aptonom rayonluq sehiye orunlirining jiddiy uqturush chüshürüp, qizzitmisi 38 giradosqa yetken her qandaq kishining özligidin bashqilardin yiraq turushini hemde qush zukam ehwalini bayqighan her qandaq orunning 2 sa'etning ichide jiddiy késelliklerning aldini élish orunlirigha derhal xewer qilishi kéreklikini telep qilghanliqi körsitilgen.

Qush zukam késli ötken yili 9‏-aydin bu yil 6‏-ayghiche bolghan mezgilde ilgiri-axir bolup Uyghur élining pichan, dawanching, könes, poskam we xoten qatarliq jaylirida bayqalghan. Xitay da'iriliri ilgiri sars késelliki toghrisidiki uchurlarni yoshurghanliqi sewebidin xelq'ara jem'iyet teripidin eyiblen'gen. Shu seweptin xelq'ara sehiye organliri xitayni qush zukam késilining tarqilishigha a'it melumatlarni ochuq tutushqa chaqirghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.