Ақсуда байқалған вирусниң қуш зуками икәнлики ениқланди


2006-07-21
Share

Хитай йеза игилик министирлиқи уйғур аптоном райониниң ақсу шәһиридә өй һайванлириниң өлүшини кәлтүрүп чиқарған вирусниң H5N1 типлиқ қуш зуками икәнликини елан қилди.

Хитай мәтбуатлириниң ашкарилишичә, 7 - айниң 14 - күни ақсу шәһири ләнгәр аһалилар башқармисиниң йеши ләнгәр ават районида 3000 дин артуқ тоху туюқсиз өлгән. Хитайниң дөләтлик қуш зукам вируси тәҗрибиханиси өлгән тохуларниң әҗәллик қуш зукам вирусида өлгәнликини ениқлиған.

Хитай йеза игилик министирлиқиниң тор бети зукам вируси байқалған җайда 35 миңдин артуқ тохуниң өлтүрүлгәнликини елан қилди. Лекин зукам вирусиниң адәмләргә юқуш әһвали байқалған яки байқалмиғанлиқини тилға алмиди. Хәвәрдә илгири сүрүшичә, йеза игилик министирлиқи вә уйғур аптоном райони даирилири вәқәни бир тәрәп қилиш тәдбирлири алған вә кесәллик әһвалиниң контрол қилинғанлиқини билдүрмәктә.

Уйғур аптоном райони хитай бойичә әҗәллик қуш зукам вируси әң көп байқалған район болуп, қуш зукам вируси бу қетим ақсуда байқилиштин бурун хотәндә көрүлгән иди. Уйғур аптоном райони даирилири қуш зукам вирусиниң районда адәмләргә юқуш вәқәси һазирғичә көрүлүп бақмиғанлиқини әскәртип кәлгән болсиму, лекин зукам вируси тарқалған районларниң кесәллик әһвалиға даир тәпсилий деталларни елан қилип бақмиди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт