Aqsuda bayqalghan wirusning qush zukami ikenliki éniqlandi


2006-07-21
Share

Xitay yéza igilik ministirliqi Uyghur aptonom rayonining aqsu shehiride öy haywanlirining ölüshini keltürüp chiqarghan wirusning H5N1 tipliq qush zukami ikenlikini élan qildi.

Xitay metbu'atlirining ashkarilishiche, 7 - ayning 14 - küni aqsu shehiri len'ger ahalilar bashqarmisining yéshi len'ger awat rayonida 3000 din artuq toxu tuyuqsiz ölgen. Xitayning döletlik qush zukam wirusi tejribixanisi ölgen toxularning ejellik qush zukam wirusida ölgenlikini éniqlighan.

Xitay yéza igilik ministirliqining tor béti zukam wirusi bayqalghan jayda 35 mingdin artuq toxuning öltürülgenlikini élan qildi. Lékin zukam wirusining ademlerge yuqush ehwali bayqalghan yaki bayqalmighanliqini tilgha almidi. Xewerde ilgiri sürüshiche, yéza igilik ministirliqi we Uyghur aptonom rayoni da'iriliri weqeni bir terep qilish tedbirliri alghan we késellik ehwalining kontrol qilin'ghanliqini bildürmekte.

Uyghur aptonom rayoni xitay boyiche ejellik qush zukam wirusi eng köp bayqalghan rayon bolup, qush zukam wirusi bu qétim aqsuda bayqilishtin burun xotende körülgen idi. Uyghur aptonom rayoni da'iriliri qush zukam wirusining rayonda ademlerge yuqush weqesi hazirghiche körülüp baqmighanliqini eskertip kelgen bolsimu, lékin zukam wirusi tarqalghan rayonlarning késellik ehwaligha da'ir tepsiliy détallarni élan qilip baqmidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet