Uyghur aptonom rayonida bir kishi qush zukam wirusini yuqturuwélip öldi


2006-08-14
Share

Uyghur aptonom rayonining jimisar nahiyiside li pemililik bir xitay dihqan buningdin bir ay burun qush zukam wirusini yuqturuwélip ölgen. Junggo yéza igilik ministirliqi 62 yashlardiki bir xitay puqrasining jimisarda qush zukam wirusi yuqturuwélip ölgenlikini ispatlidi.

Bu , xitay da'irilirining Uyghur aptonom rayonida bir ademning qush zukam wirusi sewebidin ölgenlikini tunji qétim ispatlishi bolup hésablinidu. Li pemililik bu dihqan bu yil 6 - ayning 19 - küni aghrishqa bashlap, 7- ayning 12 - küni ölgen. Xitay yéza igilik ministirliqining eskertishiche, labaratoriye tejribisidin bu xitayning H5N1 tipliq ejellik qush zukam wirusida ölgenliki éniqlan'ghan. Lékin yéza igilik ministirliqi, bu ademning qush zukami yuqturuwalghan kishiler we bu wirusni yuqturuwalghan yaki bu wirus sewebidin ölgen toxu qatarliq öy haywanliri bilen uchrashqanliqini ispatlaydighan pakit yoqliqini bildürdi.

Dunya sehiye teshkilatining béyjingdiki wekili roy wadiya, " buning toxular bilen munasiwetlik ikenliki ispatlanmidi, lékin bu dégenlik bu késellikning toxular bilen munasiwiti yoq dégenlik emes " deydu. Uning eskertishiche " qushlarda körülidighan bu wirusning shinjangda bayqilishi yéngi ehwal emes " iken. U," her ishning yüz bérish mümkinchiliki bar"deydu. Lékin terepler li pemililik xitayning zukam wirusini öy qushliridin yaki yawayi qushlardin yuqturulghanliqini ashkarilashni ret qildi.

Uyghur aptonom rayoni xitay boyiche qush zukam wirusi tarqalghan jay eng köp rayon hésablinidu. Junggo da'iriliri téxi bir qanche kün ilgiri aqsudiki qush zukam wirusi bayqalghan rayon'gha qaritilghan kontrolni bikar qilghan. Junggo yéza igilik ministirliqining eskertishiche, xitayda hazirgha qeder 21 adem mezkur wirusni yuqturuwalghan, lékin bu wirus sewebidin ölgenlerning sani jimisardiki xitayni qoshqanda 14 ke yetti. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet