Ürümchi ottura aylanma yol qushxanisi taqaldi

Shinjang xelq radi'o istansisi xewerler tor bétining élan qilghan uchuridin ashkarilinishiche, mushu ayning 30 -küni, ürümchi aylanma yol qushxanisi resmiy taqalghan.

Ürümchi ottura aylanma yol qushxanisi 8 yil ilgiri Uyghur élining jenubiy we chet rayonliridin kelgen Uyghur déhqanlirining birdin, ikkidin toplishi hemde charwa mallirini bu yerge yighishi netijiside shekillen'gen bolup, nöwette hökümet mezkur qushxanini, muhitni bulghidi digen bahane bilen taqash bilen birge, xu'aling hessidarliq shirkiti meblegh salghan yéngi shisen qushxanisini achqan hemde shisen qushxanisini muhit asrash, layihilesh, soda qatarliq 10 nechche tarmaqning tekshürüshidin ötken yéngi tipidiki qushxana dep körsetken we taqiwétilgen qushxana tijaretchilirining yéngi qushxanigha yötkilishini teshebbus qilghan.

Biraq bu heqte igiligen melumatlargha qarighanda, 3000 din artuq kishining ürümchi ottura aylanma yol qushxanisida tijaret élip bériwatqan bolup, bu qushxanining qurulushi üchün hesse chiqarghuchilargha iqtisadiy ziyan élip kelgen we nurghun kishining ishsiz qélishigha sewep bolidiken. (Eqide)