Rabiye qadir xelq'araliq rafto kishilik hoquq mukapatigha érishti

2004 - Yilliq xelq'ara rafto kishilik hoquq mukapati, asasiy kishilik hoquq üchün küresh qilghan we shu sewebtin hazirghiche türmide yétiwatqan Uyghur pa'aliyetchisi rabiye qadir xanimgha bérildi. Adette bu mukapatqa érishküchilerning köpinchisi arqidinla nobél mukapatighimu érishken.

Roytérs axbarat agéntliqining charshenbe küni xewer qilishiche, bu mukapatni bergen norwigiyidiki xelq'ara rafto fondi jem'iyiti yene, xitay hökümitining rabiye qadirni shertsiz qoyup bérishini telep qilip, bu mukapatning özi xitay hökümitini Uyghur qatarliq bashqa azsanliq milletlerning kishilik hoquqi, iqtisad we medeniyet hoquqini hörmet qilish we qoghdashqa küchlük chaqiridighanliqini bildürdi.

Mezkur jem'iyet yene, rabiye qadirning kishilik hoquq we ayallar hoquqini qoghdash jehette köp küch chiqarghanliqini, hemde özining xirajiti bilen kechlik siniplarni échish arqiliq oqush pursitige ige bolalmighan oqughuchilargha oqush shara'iti yaritip bergenlikini eskertip, buning, rabiye qadirning aliyjanab insanperwerlik xislitini namayan qilidighanliqini körsetti.

Yilda bir tarqitilidighan rafto kishilik hoquq mukapati norwigiyilik ataqliq kishilik hoquq pa'aliyetchisi proféssor sorolf rafto (Thorolf Rafto) ni xatirilesh yüzisidin qurulghan bolup, u -1986yili alemdin ötken idi. Rabiye qadirning yoldishi amérikida turushluq sidiq haji ependi we uning qizi eqide-11ayning -7 küni norwigiyining bérgén döletlik tiyatirxanisida rabiye xanimgha wakaliten bu mukapatni qobul qilmaqchi. ( Peride)