Рабийә қадир норвигийә кишилик һоқуқ мукапатиға еришти


2004.09.24

rebiya_kadeer_portrait-75.jpg
Норвигийә кишилик һоқуқ мукапати "рафто мукапати" ға еришкән кишилик һоқуқ паалийәтчиси рабийә қадирниң мукапатини , униңға вакалитән йолдиши сидиқ һаҗи рози билән қизи әқидә сидиқ тапшуривалиду .

Мукапат тарқитиш мурасими 11 - айниң 7 - күни норвегийәниң берген дөләтлик тиятирханисида өткүзилидикән . Рафто фонди җәмийити , мукапат рабийә қадирниң инсанпәрвәрлик , балилар вә аяллар һоқуқини өз ичигә алған кишилик һоқуқниң асаси принсиплирини қоғдаш йолида көрсәткән тиришчанлиқиға берилгәнликини елан қилди .Рафто фонди җәмийити рабийә қадирға мукапат берилгәнлики мунасивити билән елан қилған баянатида , уйғур елидики кишилик һоқуқ дәпсәндичиликиниң қобул қилинмайдиғанлиқи , уйғурларға мәдәнийәт һоқуқи вә диний әркинлик һоқуқи берилиши керәк дәп қарайдиғанлиқини тәкитлигән .

Рабийә қадир илгири уйғур аялларни тәшкилләп "миң ана ширкити" ни қурған . Бу йиллиқ рафто мукапатиниң рабийә қадирға берилгәнлики хәлқара мәтбуатларда кәң йәр берилди . Ройтерс ахбарат агентлиқи норвегийә кишилик һоқуқ мукапатиниң хитайдики юқири инавәткә игә сияси мәһбусқа берилгәнлики муһим бир ишарәт дәп көрсәтти . Йәнә бәзи мәтбуатлар , рафто мукапатиниң нобел мукапати йолидики ахирқи басқуч һисаплинидиғанлиқини әскәртти . Рабийә қадирниң җаза муддити 2006 - йили 8 - айда тошиду. Рабийә қадирниң америкидики қизи әқидә сидиқ , анисиниң саламәтликидин әндишә қиливатқанлиқини билдүрди .(Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.