Amérika hökümiti rabiye qadir a'ilisige köngül bölidighanliqini bildürdi


2005-05-17
Share

Amérika hökümiti seyshenbe küni rabiye qadir a'ilisining xitay hökümiti teripidin tehdit qilin'ghanliq weqesige yéqindin köngül bölidighanliqini bildürüp, xitayning bu herikitining, ikki döletning hemkarliq munasiwitige ziyan yetküzidighanliqini tekitlidi.

Amérika tashqi ishlar ministirliqining bayanatchisi richard bochér bu heqte, "méning qarishimiche, xitayning bu heriketliri, ikki terepning rabiyeni qoyup bérip amérikigha ewetish yolida élip barghan hemkarliq rohigha dexli yetküzgen" dep bildürdi.

Shundaqla amérikining béyjingdiki elchixanisining bir neper xadimi amérika birleshme agéntliqigha, amérika hökümitining nöwette rabiye qadirning amérikidiki a'ilisidikiler bilen alaqiliship turiwatqanliqini bildürdi.

13 - May küni etigini rabiye qadir soda sariyini nechche yüz xitay qoralliq saqchiliri qorshighan hemde 30 dek qorallan'ghan saqchi soda saraydiki eqide hessidarliq shérkitige bösüp kirip, héchqandaq qanuniy resmiyetsizla, shérketning mal- mülüklirini axturup, pul we muhim höjjetlerning hemmini élip ketken. Shundaqla rabiye qadirning oghli ablikim saqchilar tutmaqchi bolghanda qéchip ketken hemde uning hazirghiche iz-dériki bolmidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.