Рабийә қадир вашингтондики аял адвокатлар бирләшмиси йиғиниға тәклип билән қатнашти


2005-05-18
Share
rabiye_wba.jpg
Рабийә ханим мәзкур тәшкилатниң президенти билән биллә.UAA

Атағлиқ уйғур паалийәтчиси рабийә қадир ханим сәйшәнбә күни америка пайтәхти вашингтонда, аял адвокатлар бирләшмиси йиғиниға тәклип билән қатнишип, йүздин ошуқ меһманларниң қизғин алқишиға еришти.

"Йол башлиғучи аяллар" дегән темида өткүзүлгән бу йиғин асаслиқи, америкидики вә пүтүн хәлқарадики адаләт вә демократийини илгири сүрүшкә җүрәт қилған аялларни тәқдирлигән.

Йиғин риясәтчиси йеқинда түрмидин қоюп берилгән рабийә қадир ханимни алаһидә тонуштуруп, униң кишилик һоқуқ вә демократийини илгири сүрүш йолидики төһпилирини шәрһилигән. Шундақла йиғинға қатнашқан барлиқ меһманлар униң мәзкур йиғинға қәдәм тәшрип қилғанлиқини қизғин қарши алған.

Вашингтон аял адвокатлар бирләшмиси 1917 - йили қурулған болуп, униң асаслиқ нишани, кәспий ғурурни сақлаш, аял адвокатларниң мәнпәәтини қоғдаш вә яхшилаш шундақла әзалар арисидики достлуқни илгири сүрүш қатарлиқлар. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт