رابىيە قادىرنى كۈتىۋېلىش مۇراسىمى غەلىبىلىك ئاياقلاشتى


2005-05-20
Share

19 - ماي كۈنى ئامېرىكىدىكى خەلقئارا تىبەت ھەرىكىتى ۋە ئامېرىكا ئۇيغۇر بىرلەشمىسىنىڭ بىرلىكتە ئۇيۇشتۇرۇشى بىلەن ۋاشىنگتوندا ئۆتكۈزۈلگەن ئاتاقلىق كىشىلىك ھوقۇق پائالىيەتچىسى رابىيە قادىرنى كۈتىۋېلىش مۇراسىمى غەلىبىلىك ئاياقلاشتى.

مۇراسىمغا ئامېرىكىنىڭ سابىق ياردەمچى تاشقى ئىشلار مىنىستىرى، خەلقئارا جۇمھۇرىيەتچىلەر ئىنىستىتۇتىنىڭ پرېزىدېنتى لورىن كرېينېر، خەلقئارا كەچۇرۇم تەشكىلاتىنىڭ ئامېرىكىدىكى ۋەكىلى ت. كۇمار، دۇنيا ئۇيغۇر قۇرۇلتىيىنىڭ رەئىسى ئەركىن ئالپ تېكىن ھەمدە خەلقئارا تىبەت ھەرىكىتى ۋە ئامېرىكا ئۇيغۇر بىرلەشمىسىنىڭ رەئىسلىرى شۇنداقلا ئۇيغۇر ۋە تىبەت مېھمانلاردىن بولۇپ 200 دىن كۆپ كىشى قەدەم تەشرىپ قىلدى.

يىغىندا سۆز قىلغان خەلقئارا تىبەت ھەرىكىتىنىڭ ئامېرىكىدىكى بۆلۈمىنىڭ دېرىكتورى بۇچۇڭ سېرىڭ، رابىيە خانىمنىڭ تۈرمىدىن قويۇپ بېرىلگەنلىكىنى تەبرىكلەش بىلەن بىرگە، ئۇيغۇرلار بىلەن تىبەتلەرنىڭ ئوخشاش قىسمەتلەرنى بېشىدىن كەچۈرگەنلىكىنى، شۇنداقلا بۇنىڭدىن كېيىنمۇ ئۆز-ئارا ھەمكارلىشىپ ھەرىكەت قىلىش لازىملىقىنى بىلدۈردى.

يىغىندا يەنە، لورېن كرېينېر، ئەركىن ئالپ تېكىن ۋە نۇرى تۈركەل سۆز قىلغاندىن كېيىن، ئاتاقلىق ئۇيغۇر پائالىيەتچىسى رابىيە قادىر خانىم سۆزگە چىقىپ، ئۇنىڭ قويۇپ بېرىلىشىگە كۆپ كۈچ چىقارغان ئامېرىكا ھۆكۈمىتىگە، خەلقئارا كىشىلىك ھوقۇق تەشكىلاتلىرىغا ۋە ئامېرىكا ئۇيغۇر بىرلەشمىسىگە رەھمەت ئېيتتى ھەمدە ئۆزىنىڭ كىشىلىك ھوقۇق يولىدىكى كۆرەشلىرىنى ھەرگىزمۇ توختىتىپ قويمايدىغانلىقىنى بىلدۈردى.

مەزكۇر مۇراسىم يەنە، ئامېرىكىدىكى داڭلىق پارلامېنت ئەزالىسى توم لەنتوس، فرەنك ۋولف قاتارلىق ئەرباپلارنىڭ يېقىندىن قوللىشىغا ئېرىشكەن. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت