Rabiye qadirni kütiwélish murasimi ghelibilik ayaqlashti


2005-05-20
Share

19 - May küni amérikidiki xelq'ara tibet herikiti we amérika Uyghur birleshmisining birlikte uyushturushi bilen washin'gtonda ötküzülgen ataqliq kishilik hoquq pa'aliyetchisi rabiye qadirni kütiwélish murasimi ghelibilik ayaqlashti.

Murasimgha amérikining sabiq yardemchi tashqi ishlar ministiri, xelq'ara jumhuriyetchiler inistitutining prézidénti lorin kréynér, xelq'ara kechurum teshkilatining amérikidiki wekili t. Kumar, dunya Uyghur qurultiyining re'isi erkin alp tékin hemde xelq'ara tibet herikiti we amérika Uyghur birleshmisining re'isliri shundaqla Uyghur we tibet méhmanlardin bolup 200 din köp kishi qedem teshrip qildi.

Yighinda söz qilghan xelq'ara tibet herikitining amérikidiki bölümining dériktori buchung séring, rabiye xanimning türmidin qoyup bérilgenlikini tebriklesh bilen birge, Uyghurlar bilen tibetlerning oxshash qismetlerni béshidin kechürgenlikini, shundaqla buningdin kéyinmu öz-ara hemkarliship heriket qilish lazimliqini bildürdi.

Yighinda yene, lorén kréynér, erkin alp tékin we nuri türkel söz qilghandin kéyin, ataqliq Uyghur pa'aliyetchisi rabiye qadir xanim sözge chiqip, uning qoyup bérilishige köp küch chiqarghan amérika hökümitige, xelq'ara kishilik hoquq teshkilatlirigha we amérika Uyghur birleshmisige rehmet éytti hemde özining kishilik hoquq yolidiki köreshlirini hergizmu toxtitip qoymaydighanliqini bildürdi.

Mezkur murasim yene, amérikidiki dangliq parlamént ezalisi tom lentos, frenk wolf qatarliq erbaplarning yéqindin qollishigha érishken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet