Хитай һөкүмити, әқидә ширкитиниң хадимлириға дәхлий - тәруз йәткүзгәнликини инкар қилди


2005-05-22
Share

Уйғур аптоном районлуқ җамаәт хәвпсизлик назарити йәкшәнбә күни мәхсус баянат елан қилип, сақчи даирилириниң атақлиқ уйғур кишилик һоқуқ паалийәтчиси рабийә қадир ханимниң илгири үрүмчидә қурған әқидә ширкитидики хадимларға дәхли- тәруз йәткүзгәнлик хәвирини инкар қилди.

Буниң алдида радийомизни өз ичигә алған ғәрб мәтбуатлирида, хитай сақчи даирилириниң 13 - май күни әтигән рабийә - қадир сода сарийини қоршавға елип, мәзкур сода сарайдики әқидә һәссидарлиқ ширкитигә бөсүп киргәнлики вә ширкәтниң мал- мүлүклирини ахтуруп, пул вә муһим һөҗҗәтлирини елип кәткәнлики хәвәр қилинған иди.

Уйғур аптоном районлуқ җамаәт хәвпсизлик назарити болса, әқидә ширкитиниң хадимлири айшәмгүл вә рози мәмәтниң қәрз елишта алдамчилиқ қилғанлиқи үчүн, үстидин назарәт елип барғанлиқини билдүргән. Улар бу иккийләнни 2002 - йили 11 - айда вә 2003 - йили 4 - айларда ялған испат ясап, банкидин 10 милйон йүәндин артуқ қәрз пул алған дәп көрсәткән.

Җамаәт хәвпсизлик назарити, уларни қопаллиқ билән тутуп кәткәнлик хәвирини инкар қилип, чәтәл мәтбуатлири бу вәқәни бурмилиди дәп билдүрмәктә.

Әмма, буниң алдида радийомиз зияритини қобул қилған бир шаһит , хитай сақчи даирилириниң әқидә ширкитиниң дериктори айшәмгүлниң чечидин тартқан пети машиниға сөрәп елип чиқип кәткәнликини билдүргән иди.

Чәтәлдики уйғур паалийәтчилири, әқидә ширкити хадимлириниң тутулуши, әмдила хитай һөкүмитиниң асаритидин қутулуп америкиға кәлгән рабийә қадир ханимниң америкидики паалийәтлири билән мунасивәтлик дәп қаримақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт