Xitay hökümiti, eqide shirkitining xadimlirigha dexliy - teruz yetküzgenlikini inkar qildi


2005-05-22
Share

Uyghur aptonom rayonluq jama'et xewpsizlik nazariti yekshenbe küni mexsus bayanat élan qilip, saqchi da'irilirining ataqliq Uyghur kishilik hoquq pa'aliyetchisi rabiye qadir xanimning ilgiri ürümchide qurghan eqide shirkitidiki xadimlargha dexli- teruz yetküzgenlik xewirini inkar qildi.

Buning aldida radiyomizni öz ichige alghan gherb metbu'atlirida, xitay saqchi da'irilirining 13 - may küni etigen rabiye - qadir soda sariyini qorshawgha élip, mezkur soda saraydiki eqide hessidarliq shirkitige bösüp kirgenliki we shirketning mal- mülüklirini axturup, pul we muhim höjjetlirini élip ketkenliki xewer qilin'ghan idi.

Uyghur aptonom rayonluq jama'et xewpsizlik nazariti bolsa, eqide shirkitining xadimliri ayshemgül we rozi memetning qerz élishta aldamchiliq qilghanliqi üchün, üstidin nazaret élip barghanliqini bildürgen. Ular bu ikkiylenni 2002 - yili 11 - ayda we 2003 - yili 4 - aylarda yalghan ispat yasap, bankidin 10 milyon yü'endin artuq qerz pul alghan dep körsetken.

Jama'et xewpsizlik nazariti, ularni qopalliq bilen tutup ketkenlik xewirini inkar qilip, chet'el metbu'atliri bu weqeni burmilidi dep bildürmekte.

Emma, buning aldida radiyomiz ziyaritini qobul qilghan bir shahit , xitay saqchi da'irilirining eqide shirkitining dériktori ayshemgülning chéchidin tartqan péti mashinigha sörep élip chiqip ketkenlikini bildürgen idi.

Chet'eldiki Uyghur pa'aliyetchiliri, eqide shirkiti xadimlirining tutulushi, emdila xitay hökümitining asaritidin qutulup amérikigha kelgen rabiye qadir xanimning amérikidiki pa'aliyetliri bilen munasiwetlik dep qarimaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet