Рабийә қадир, чех җумһурийитиниң сабиқ президенти ваклав хавел билән көрүшти


2005-05-25
Share

Чех җумһурийитиниң вашингтондики әлчиханисиниң сәйшәнбә күни чех җумһурийитиниң сабиқ президенти васлав хавел үчүн уюштурған күтивелиш мурасимиға, атағлиқ уйғур паалийәтчиси рабийә қадир тәклип билән қатнишип, ваклав әпәнди билән кишилик һоқуқ мәсилилиридә өз-ара пикир алмаштурди.

Рабийә ханим хавел әпәнди билән көрүшкәндә йәнә, униңға уйғурларни қисқичә тонуштурди һәмдә униң билән кишилик һоқуқ вә демократийини илгири сүрүш темилирида сөһбәтләшти.

Күтүвелиш йиғиниға йәнә, америка кеңәш палата әзаси роберт беннетму қатнишип, хавелниң кишилик һоқуқ вә демократийә ишлири үчүн қошқан зор төһпилирини шәрһилиди.

Васлав хавел әпәнди мәзкур мурасимға қатнишиштин бурун йәнә, америка дөләт мәҗлиси күтүпханисида, куба, хитай, беларус вә берма қатарлиқ дөләтләрниң кишилик һоқуқ әһвали һәққидә доклат бәргән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт